Bô-gî-ngō͘_綠翠園副刊分區forum.xmart.tw/formosa/

	§網綠翠園站§ 　　副刊分區

Bô-gî-ngō͘

發表：Joy	2022-09-11 14:39:51	閱覽數：944	(IP: 　)	T 7881_R 0	引　用

He sī chhi-nî chîn ê tāi-chì--loh! Gún a-ché kā góa kóng Kíng-bûn thè i pān chi̍t-ê bóng-lō͘ chiâⁿ siok, kiò góa tō khì pān hit-ê hong-àn. Án-ne góa tō khì pān chi̍t-ē kah i kóng ê kâng-khoán ê bóng-lō͘, bô-gî-gō͘ soah lâi huat-sing kàu kin-á-ji̍t iáu bē-táng siu-soah ê tāi-chì.

Tī tè-i kó͘ gue̍h siu-tio̍h siàu-toaⁿ ê sî, góa hoat-kak ke siu nn̄g-pah gōa kho͘. Só͘-tì goar tio̍h khì ho̍k-bū-tâi mn̄g, in soah kā góa kóng góa sī iōng pa̍t-ê hong-àn lâi siu-hùi--ê. Án-ne góa tō iau-kiû beh khòaⁿ góa tong-chho͘ chhiam ê ha̍h-iok, in chhi̍h-chhi̍h-chhu̍t-chhu̍t kóng-tang-kóng-sai tō sī bô beh the̍h-chhu-lâi, án-ni góa chiah ē chiok siū-khì--ê, bô siūⁿ bueh pàng in soah.

Chit-má siūⁿ-khí--lâi, góa si̍t-chāi sī ū-káu gōng--lah! M̄-chai-iáⁿ ka-kī ê kin-niú ngē beh kah in piàⁿ-su-iâⁿ, lóng bô siūⁿ-tio̍h in sī tiān-sìn-gia̍h ê láu-tōa-ko, góa siá tîn-chîng-su kiâ hō͘ siau-pó-koaⁿ. Tī kúi-kó͘-gue̍h tiâu-kái kî-kan lāi, góa ê tiān-náu kap chhiú-ki-á ná m̄-sī bē-sái liân-sòaⁿ tō sī bóng-lō͘ sin-hūn bō-hoat-tō͘ giām-chìng, m̄-koh góa iáu m̄-chai sí-oa̍h ngē beh kah in chhiâng. Sui-jiân chòe-āu siau-pó-koaⁿ chhâ-phòaⁿ Tiong-Hôa-Tiān-Sìn ài chiàu tong-chho͘ ĕ ha̍p-iok lâi kiâⁿ, iáu-m̄-koh ū iau-kiû siang-hong ài koh tîng-chhiam chi̍t-ê hô-kái-su, in-ūi hi̍t tiuⁿ su-bīn sī siau-pó-koaⁿ khiā-miâ--ê, sui-jiân tíng-bīn ū chù-bîng chhú-sū put-tit tùi gōa tiuⁿ-iông, góa pīng-bô sán-siⁿ gî-sim, tō tī tíng-bīn chhiam-miâ, in koh iau-kiû gún ang iā-ài chhiam-miâ, gún ang tō mn̄g góa án-ni kám-thang chhiam？ Góa kā ìn kóng bô-iàu-kín.

Hō͘ góa liāu-sióng-bē-kàu ê sī soah-lo̍h--lăi huat-sing ê tāi-chì. Góa bóng-tóng ê tāi-kè tō sī gún ang-á-bó͘ ê chhiú-ki-á lóng bē-tàng chìng-siông sú-iōng, lî-chhiáⁿ tiān-náu iā bē-sái liân-chiūⁿ bóng-lō, sīm-chì, liâm tiān-ōe mā tiāⁿ-tiāⁿ kí-lo̍k chin chē bó͘-bîn-kî-miāu ê lâi-tiān kap khì-tiān! Só͘-tì góa tō ūi Hêng-chhun cháu-chông kàu Ko-hiông, in-ūi in chi̍t-ê tiau-lân kòe chi̍t-ê, góa chí-hò tiān-sín-kio̍k chi̍t-keng chhōe-kòe chi̍t-keng, chhōe-kàu chòe-hāu chiah hoat-kak só͘ tiàu-chhut-lâi ê chhiú-ki-á ha̍p-io̍k iah tiān-ōe kí-lo̍k lóng m̄-sī góa só͘ ē-táng chiap-siū ê lāi-jiông, chhin-chhiūⁿ ha̍p-iok tíng-bīn siá góa chóng-kiōng ū sin-chhíng saⁿ-ki chhiú-ki-á teh sú-iōng kâng-chi̍t-ê mn̂g-hō, tān-sī góa kan-tāⁿ chi̍t-ki chhiú-ki-á niā-niā, ka-sióng gún oân-choân bô-hoat-tō͘ iōng bóng-lō lâi kah gōa-káu-bīn liân-lo̍k, góa kah in chhōng án-ni lâi hoe- bē-soah!

In-ūi put-koán tó-chi̍t-keng ûi-siu-tiong-sim tō bô-hoat-tō͘ kái-tû gún-ê mn̄g-tê, chiū sī tàu-siang-kang lâi ōaⁿ sin-ki-pán iā sī kâng-khoán, chóng sī kik-ke iōng nn̄g-saⁿ-kang, jiân-hāu tō lâi chhut-chhôe, án-ni góa chiah bán-bán-á lâi hôe-sióng, chiah chai-iáⁿ mn̄g-tê chhut tī tó-ūi.

Thâu-khí-sin, siau-pó-koan kap Tiong-Hôa-Tiān-Sìn ha̍p-chok lâi phiàn gún ang-á-bó͘ tī hô-kái-su tíng-bīn chhiam-miâ, jiân-hāu Tiong-Hôa-Tiān-Sìn chiah-lâi chhòng-tī góa bē-sái sú-iōng bóng-lô͘ kap chhiú-ki-á, in sī ti̍t-chiap hō͘ góa ê tiān-náu bē-sái liân bóng-lō͘, ti̍t-chiap khòng-koán góa ê chhiú-ki-á kap chhù-nih ê tiān-ōe, só͘-tì góa ū chiok-chiok nn̄g-tang bô-huat-tō͘ kah gōa-kháu-bīn liân-lo̍k, in-ūi lím-bû-khó-lím góa chí-hó siu-chi̍p chèng-kù khì pò-àn, kíng-chhat chiah kā góa kóng che sī hîng-sū àn-kiāⁿ, ài chò pit-lo̍k, jiân-hāu chiah kau hō͘ kiám-chhat-koaⁿ tiâu-cha, jiân-hāu chiah iû kiám-chhat-koaⁿ sàng kiāⁿ hō͘ hoat-īⁿ sím-lí. Chit toān sī-kan góa tiāⁿ-tiaⁿ chhōe kíng-chhat-koaⁿ thê-kong chèng-kù, put-gî-iú-thaⁿ, pún-lâi góa lâu-ū chiok chē chiaⁿ-pún ê chu-liāu, kiám-chhat-koaⁿ kóng sióng-hó lóng ē-táng kau hō͘ i, ū gōa-chē tō kiau gōa-chē, góa si̍t-chāi gōng-kah-ū-chhun, chin-chiàⁿ chiong nn̄g tōa tē ê chèng-kù hiām lo̍k-iáⁿ ê kng-tia̍p bô keng-kòe ōe-ah tō lóng kau hō͘ i, gún ang-á-bó͘ teh siūⁿ só͘-ū ê chéng-kù lóng chí-hiàng Tiong-Hôa-Tiān-Sìn hông-ngāi bóng-lō͘ ê kó͘-lîn chū-iû sú-iōng-khôaⁿ, chí-iàu hoat-īⁿ khui-tîng, gōa ū sìn-sim lâi chéng-bîn. Siáⁿ chai-iaⁿ kiám-chhat-koaⁿ soah án-nāi áⁿ-kiāⁿb keng-kòe pòaⁿ-nî gōa iáu m̄ sàng-kiāⁿ.

Só͘-tì góa koh khì chhōe bîn-tài tàu-siang-kang, in kap góa kóng hó, bîn-á-chāi chòe-hóe khì chhōe kiám-chhat-koan thê-hôe só͘-ū ê chèng-kù, jiân-hāu chiah iû in pôe-tông góa ti̍t-chiap khì hoat-īⁿ thê-chhut kò-sò͘. Siáⁿ chai-iaⁿ kiám-chhat-koaⁿ iû-jiân bô bueh thè-hn̂g, kan-na kóng i ē chit kúi-kang-lāi sàng-kiāⁿ.

Koh chha-put-to saⁿ-kó͘-ge̍h kòe-khì--ah, góa chiah chiap-tio̍h ūi hoat-iⁿ kià-lâi ê phoe, tāi-gī sī kóng án-kiāⁿ keng-kòe sîn-pān-lîn ê kiàn-gī lî put sím-lí, iáu-ū lâu liân-lo̍k tiān-ōe, m̄-kù bô-lūn góa phah gōa-chē pái, tiān-ōe chóng sī bô lâng chiap.

Sū-hāu, góa hoat-kak góa ē-sái sú-iōng tiān-náu kap chhiú-ki-á, chí-put-kò tī chiok-chē ìn-iōng-tîng-sik lāi-bīn lóng ū chù-bîn：Bô-khoân-hān, ná beh kái, chhiáⁿ ti̍t-chiap kah koán-lí-lîn liân-lo̍k. Só͘-tì góa ê tiān-náu iah chhiú-ki-á saⁿ-put-gō͘-sî tō bē-sái phah-jī, iáu hān-chè sú-iōng līm-hô kang-kū chûn-tóng iah gōa-chiap ìn-pió-ki, ū-tang-sî-á ū chi̍t-kóa phoe kià-bē-chhut-khì chióng-chóng ê hān-chè.

Tāi-iok nng-lé-pài chìn-chîng, góa bé-ji̍p chi̍t-tâi ipad, tíng-lé-pài góa hoat-hiàn ē-sái hē-chài koh ē-sái ka-kī chò siat-tīng, hoaⁿ-hí kah kòe-thâu, siáⁿ chai-iáⁿ bô kúi-kang lāi tō o͘-iú khì--ah! Sióng ut-chut tō sī iû-koh bē-sái siu-hoat phoe-sìn--loh!

回應：Joy	2022-09-11 14:47:38	(IP: 　)	T 7881_R 1	引　用

很快看過一次。更正如下：（各段用阿拉伯數字代替）

1. chhit-nî, bô-gî-ngō͘

2. thê-chhut--lâi

3. kià （m̄ sī kiâ）, giām-chèng, chhâi-phòaⁿ

4. chin-chîng, chèng-siông

5. 有減字， eng-kai sī ： kik-ke lóng chèng-siông nn̄g-saⁿ-kang

6. siau-pó-koaⁿ, chit-toān sî-kan lāi (m̄ sī gōa）, ū gōa-chē tō kau gōa-chē.