連戰、宋楚瑜、胡錦濤見面咁會作白工？_綠翠園時事分區forum.xmart.tw/formosa/

	§網綠翠園站§ 　　時事分區

連戰、宋楚瑜、胡錦濤見面咁會作白工？

發表：新復土	2005-04-21 00:38:02	閱覽數：5990	(IP: 　)	T 1342_R 0	引　用

　中國民黨黨主席連戰要去中國作「和平之旅」，這是真
好ｅ代誌，愛【和解】才有【和平】，惟中國ｅ【國家反
分裂法】內底知影，中國國民黨佮中國共產黨ｅ【國共恩
怨】未解決，連戰以中國國民黨黨主席ｅ身分，去佮代表
中國共產黨政府ｅ胡錦濤見面，一定愛共同對外公開聲明
，來【和解】這件【國共恩怨】ｅ歷史公案，若無，過去
中國國民黨佮中國共產黨為爭權奪利，作孽予中國民主發
展停頓ｅ【國共內戰】無終止，中國國民黨佮中國共產黨
是要復禍害幾代ｅ子孫？連戰ｅ「和平之旅」不著是作白工？
　連戰佮胡錦濤和解了後，堅持要用「中國」名稱ｅ【政
黨佮要作中國人】ｅ人，著會使返去中國拚民主，連戰愛
【硬起來】，逐家愛作連戰ｅ【後盾】，支持連戰以中國
國民黨來要求中國共產黨，實現中國共產黨向廣大中國人
民ｅ承諾＜＜＜政治民主化、軍隊國家化、黨派合法化、
言論絕對ｅ自由＞＞＞，平反為中國民主奮鬥ｅ【民主鬥
士】不免飄浪在海外，會當聞著故土ｅ芳味。
　胡錦濤嘛講要邀請宋楚瑜過去中國，宋楚瑜強調扁宋會
後ｅ十點共識【中華民國】是最大公約數，宋楚瑜若去中
國愛會記ｅ向胡錦濤問清楚，在中國國家反分裂法內底，
台灣現狀ｅ主權繼續使用【中華民國】ｅ名稱會使(勿會)
？若是(勿會)使ｅ，因為中國共產黨ｅ中華人民共和國政
府，是繼承中華民國在聯合國ｅ所有權，台灣使用中華民
國ｅ名稱，當然是侵害中國ｅ所有權，台灣主權現狀下ｅ
人咁免思考用新ｅ名稱才對？才是無侵害他國所有權ｅ主
權獨立國家，若是台灣會使繼續使用【中華民國】ｅ名稱
，證明中國繼承ｅ【中華民國】佮台灣主權現狀ｅ【中華
民國】是無仝國，中國ｅ國家反分裂法著是侵略台灣公開
ｅ法律，台灣佮中國是一邊一國，台灣愛作中國民主運動
人士ｅ【避風港】，支援協助中國人早一日享受【民主、
自由、和平】，有言論心靈信仰‧‧‧等等自由ｅ基本人
權，亞太地區ｅ安全一定平安無事，若無著是中國允準台
灣使用【中華民國】ｅ名稱，台灣是中國ｅ一部份，台灣
人攏總是中國人，按爾變作中國人ｅ台灣人，若要愛【民
主、自由、和平】，有言論心靈信仰‧‧‧等等自由ｅ基
本人權，是不是愛復用【血】去換才有？？？

回應：新復土	2005-04-21 00:38:51	(IP: 　)	T 1342_R 1	引　用

　連戰佮宋楚瑜面對胡錦濤，連戰不知會變作中國ｅ【玩
物】趴趴熊(勿會)？宋楚瑜ｅ最大公約數【中華民國】不
知會消失去(勿會)？在台灣內底享受【民主、自由、和平
】，有言論心靈信仰‧‧‧等等自由ｅ基本人權，一心要
作中國人ｅ【政客】，若無願意為中國ｅ【民主、自由、
和平】去付出，要等待人拚予伊去享受才來【講統一】，
是無值得人看重ｅ，政客ｅ【歷史定位】是用家己ｅ行為
去寫ｅ。