台灣的語言文字_綠翠園

	§網綠翠園站§ 　　sofia部落格

主題：台灣的語言文字

發表：sofia	2008-08-14 14:07:54	閱覽數：138710	(IP: )	T 2558	引　用

回應：sofia	2008-08-14 14:33:04	(IP: )	T 2558_R 74	引　用

七七、糾正綠色短評的文章
上網查詢「一寡」，無意中看到綠色和平電台的這篇短文，錯字連篇不免手癢，糾正幾個字，如下：
綠色短評
曷有也無人有法也？sofia
有一可所謂也「名嘴」一日到暗之幾兮電視台「爆料」，講政府官員、講總統、副總統一可內幕消息。
伊兮本事就是：空嘴哺舌，講一兮影生一兮子，無、要啼到有，有、要啼到無。
伊曷爾一兮用意，就是要予人民感覺茲兮政府做無大致、也真不效率、政府官員及總統、副總統攏是無能兮，政府官員是貪污無清廉兮，所以應該落台。
自從二０００年政黨輪替彼時瞬開始、一直罵到茲時瞬，之電視節目頂面公然造謠講白賊，咱老百姓實在是看未落去、聽到擋未著矣，直直要受氣起來。
你若講伊烏白講，有證據應該提出來交乎檢調單位處理，伊會應講，檢調單位應該去調查我所提起彼幾兮人，兮是叫我提出證據？
證據？曷不是檢調機關應該去查兮！你若問伊，茲消息它位來兮？消息來源曷有可靠？伊會應講，消息來源當然可靠，全台灣曷爾三兮人知也耳耳！但是為著保障彼兮人之安全，我未使講出彼兮人知名。
你若想講，伊請裁講講一兮，逐兮也請裁聽聽一下，聽了就遂。焉爾你就錯了！因為滋奇怪兮大致會發生，檢調機關兮人奈兮像攏是伊倩兮，伊烏白講一堆人名，檢調機關有也一兮一兮調來問。
問了結果完全無茲兮大致，彼兮烏白「爆料」兮「名嘴」不但無大致，遂顛倒見笑轉受氣，罵茲兮媒體報導無公平，罵彼兮媒體報導無照事實。
伊就放調講要去告彼幾間媒體！伊攏不想看，予伊烏白唸著名報著名、遂予檢調單位叫去問兮人要焉怎，是不是曷爾會當怨歎若像予鬼兒撻著，有夠衰兮？
抑是和伊仝款，去法院告伊？問題是並不是每一兮人攏和伊仝款閒閒無大致做！
美國第十六位總統Abraham Lincoln曾經講一句真有名兮話：「你有可能一時騙會過所有兮人，也有可能永遠騙會過一可人，但是你無法度永遠騙過所有兮人。」
免免免！不免騙孜爾濟。我講選舉是「你若有法度一時騙過一可人，彼兮人有夠額與你當選，你就變作議員、縣市長、抑是立法委員。不免永遠騙過所有兮人。」
仝款兮道理，電視談話性節目兮「名嘴」，伊「爆料」是真？是假？攏無重要，若是有一部分析人之兮看彼兮節目，照AGB Nielsen兮收視率調查，彼兮時段看電視兮人一百個有三、五也之兮看彼兮節目，電視公司就滋滿意，就會繼續請茲款兮「名嘴」來烏白「爆料」，管伊真兮抑是假兮？
對茲種公然烏白講話兮人，曷有也無人有法也？ Sofia謬正（2007/5/26 08:33am）
原文：綠色短評
敢有影無人有法伊？　李南衡
有一寡所謂的「名嘴」一日到暗佇幾個電視台「爆料」，講政府官員、講總統、副總統一寡內幕消息。in 的本事就是：空嘴哺舌，講一個影生一個子，無、欲cheN3 到有，有、欲cheN3到無。In干單一個用意，就是欲互人民感覺即個政府做無代誌、ma7真無效率、政府官員及總統、副總統攏是無能的，政府官員是貪污無清廉的，所以應該落台。自從二０００年政黨輪替彼陣開始、一直罵到即陣，佇電視節目頂面公然造謠講白賊，咱老百姓實在是看be7落去、聽到擋be7住ah，直直欲受氣起來。
你若講伊烏白講，有證據應該提出來交互檢調單位處理，伊會應講，檢調單位應該去調查我所提起彼幾個人，那是叫我提出證據？證據？敢不是檢調機關應該去查的ah！你若問伊，這消息ui3叼位來的？消息來源敢有可靠？伊會應講，消息來源當然可靠，全台灣干單三個人知影耳耳！但是為著保障彼個人的安全，我be7使講出彼個人的名。
你若想講，伊凊彩講講一下，逐個ma7凊彩聽聽一下，聽了就煞。按呢你錯了！因為足奇怪的代誌會發生，檢調機關的人那像攏是伊倩的，伊烏白講一堆人名，檢調機關有影會一個一個去調來問。問了結果完全無即號代誌，彼個烏白「爆料」的「名嘴」不但無代誌，煞?倒見笑轉受氣，罵即個媒體報導無公平，罵彼個媒體報導無照事實。伊就放調講欲去告彼幾間媒體！伊攏無想看，互伊烏白唸著名報著名、煞互檢調單位叫去問遐的人欲按怎，是不是干單會tang3怨歎那像互鬼仔拍著有夠衰耳耳？抑是及伊仝款，去法院告伊？問題是並不是每一個人攏及伊仝款閒閒無代誌做！
美國第十六位總統Abraham Lincoln曾講一句真有名的話：「你有可能一時騙會過所有的人，ma7有可能永遠騙會過一寡人，但是你無法度永遠騙過所有的人。」免免免！不免騙遐濟。我講選舉是「你若有法度一時騙過一寡人，彼寡人有夠額互你當選，你就變作議員、縣市長、抑是立法委員。不免永遠騙過所有的人。」仝款的道理，電視談話性節目的「名嘴」，伊「爆料」是真是假攏無重要，若是有一部分的人佇看彼個節目，照AGB Nielsen的收視率調查，彼個時段看電視的人一百個有三、五個佇看彼個節目，電視公司就足滿意，就會繼續請即款的「名嘴」來烏白「爆料」，管伊真的抑是假的？
對即種公然烏白講話的人，敢有影無人有法伊？

綜覽全部討論

總　覽版　務政　經健康醫療軍　武理　財文　化藝　文科　技台灣的美旅　遊 PISA 娛　樂鄉　土公　民認　同副　刊哈　啦范氏網

竹縫
視界耳聾
世界泰伯
觀點 Joy
隨筆哈利
天地 Jerry C
鳥世界射水魚
天　空討海人
鏡　頭嘻笑
人間詩情
畫藝老工仔
思　維網網
相連歷史
庫存

* 討論區內之言論，不代表本園之立場，一切法律責任仍由發言者本人負責
* 如果您有任何不當言論，本園有權決定是否保留您所送貼的意見。