| §網 綠翠園 站§ 劉道興部落格 |
|---|
| 總 覽 | 版 務 | 政 經 | 健康醫療 | 軍 武 | 理 財 | 文 化 | 藝 文 | 科 技 | 台灣的美 | 旅 遊 | PISA | 娛 樂 | 鄉 土 | 公 民 | 認 同 | 副 刊 | 哈 啦 | 范氏網 |
| 竹縫 視界 | 耳聾 世界 | 泰伯 觀點 | Joy 隨筆 | 哈利 天地 | Jerry C 鳥 世 界 | 射水魚 天 空 | 討海人 鏡 頭 | 嘻笑 人間 | 詩情 畫藝 | 老工仔 思 維 | 網網 相連 | 歷史 庫存 |
| 主題：可以開一個羅馬拼音版嗎？ |
|---|
| 發表：劉道興 | 2009-07-25 18:52:30 | 閱覽數：75353 | (IP: ) | T 2876 | 引 用 |
|---|
| 回應：lo5 ma2 ji7 | 2010-08-20 01:26:28 | (IP: ) | T 2876_R 51 | 引 用 |
|---|
|
http://iug.csie.dahan.edu.tw/khanbut/Chuiusipo/khoaNci.asp?id=49 數位生活指數 世界第一咱台灣(數位台灣) 林清祥 自由時報自由廣場 2006/7/7 轉貼並更正ō͘等為ōo的寫法 Chòe-kīn ê Tâi-ôan siā-hōe siū-tio̍h hōan-nâ mûi-thé ê ke̍k-tōo u-jiám, ta̍k-ke kám-kak chin ut-chut, hó-chhan-chhiūⁿ Tâi-ôan í-keng m̄-sī chi̍t-ê thang-hó khiā-khí ê kok-ka, ta̍k-hāng lóng su--lâng, bô chi̍t-hāng ē-tàng kah lâng pí-phēng, sìn-sim cháu liáu-liáu. Hó-ka-chài, Bí-kok chi̍t-keng kiò Parks Associate ê kong-si chòe-kīn tùi A-chiu, Au-chiu, Pak-bí lóng-chóng cha̍p-sì ê kok-ka chò kāng chi̍t-khóan ê chhī-tiûⁿ tiau-cha, tī chôan-kok bāng-lōo sú-iōng ê siau-hùi si̍p-kòan hong-bīn, Tâi-ôan ê pâi-miâ chôan-sè-kài tē-it, Hân-kok tē-jī, sòa--lo̍h-lâi chiah sī Bí, Ka, Ji̍t, Àu, Eng, Tek, Hoat, Se, Gī chiah-ê kok-ka. Tiong-kok hām Ìn-tōo pâi siōng bóe--á. Chit lāi-bīn siōng tiōng-iàu ê tiau-cha chú-iàu sī: sòo-ūi seng-o̍ah chí-sòo (DLI). Chu-liāu ê lâi-gôan sī kok-kok chha-put-to peh-pah kàu chi̍t-chheng sì-pah ê ka-têng. Chit-ê siau-sit sī Eng-kok Kóng-pò Kong-si (BBC) kì-chiá chham-koan tī Sin-ka-pho kí-pān ê A-chiu Kóng-pò-tián, cha-hng hoat-chhut--ê. DLI pau-hâm it-poaⁿ ka-têng liân-bāng ê phòo-phiàn-lu̍t, hêng-tōng tiān-ōe sú-iōng-lu̍t, kah kî-thaⁿ siau-hùi tiān-chú sán-phín, chhiūⁿ im-ga̍k, gòo-lo̍k bē-sái bô ê MP3, DVD téng-téng. DLI kôan ê ì-sù tō-sī kóng ē-tàng chiàu ka-tī ê siūⁿ-hoat lâi chò sú-iōng-chiá kài-bīn, kah pa̍t-lâng hun-hióng bāng-lōo chu-sìn, it-poaⁿ-lâng ē kám-kak tio̍h kán-tan hó-iōng, kò-jîn-hòa, mûi-kài chéng-ha̍p. Ōaⁿ chi̍t-kù-ōe kóng tō-sī, siūⁿ beh chò siáⁿ, tō chò siáⁿ, bián hùi-khì sa-sa chi̍t-tōa-tui mi̍h-kiāⁿ. Chit-phiⁿ pò-tō ū saⁿ-tiuⁿ tòo, chheng-chheng chhó-chhó piáu-ta̍t: sòo-ūi ka-têng hōo sú-iōng-chiá tī bô-kâng ê mûi-kài téng-bīn hun-hióng chu-sìn, tī kò-jn5 tiān-náu-toan ê liân-chiap siat-pī lâi-chū Tâi-ôan kah Bí-kok, chiong-lâi ê bāng-lōo ka-têng bô siū sî-kan kah khong-kan ê hān-chè. Góa ē kì-tit kū-nî Bí-kok Brown tāi-ha̍k Chèng-tī-hē chi̍t-ūi kàu-siū mā chò chi̍t-ê chôan-sè-kài kok-kok chèng-hú ki-koan chu-sìn hē-thóng phòo-phiàn-tōo ê tiau-cha, Tâi-ôan kāng-khóan sè-kài pâi-miâ tē-it. Chhiūⁿ chiah-ê sìn-sit chhiong-hun hiòng chôan-sè-kài hòng-sàng, Tâi-ôan sī chi̍t-ê ta̍t-tit chun-tiōng kah o-ló ê kok-ka. Kám m̄-sī--leh? 以上文章，我在 word 內，台語的八聲調號都可正常看到，為何貼到此，第八聲就無法正常看到？即第八聲都便成正四方形的符號。 板主或有誰知道嗎？ |
| 總 覽 | 版 務 | 政 經 | 健康醫療 | 軍 武 | 理 財 | 文 化 | 藝 文 | 科 技 | 台灣的美 | 旅 遊 | PISA | 娛 樂 | 鄉 土 | 公 民 | 認 同 | 副 刊 | 哈 啦 | 范氏網 |
| 竹縫 視界 | 耳聾 世界 | 泰伯 觀點 | Joy 隨筆 | 哈利 天地 | Jerry C 鳥 世 界 | 射水魚 天 空 | 討海人 鏡 頭 | 嘻笑 人間 | 詩情 畫藝 | 老工仔 思 維 | 網網 相連 | 歷史 庫存 |