「國語日報」放風聲取消母語教學_綠翠園POLANPA 專屬部落格forum.xmart.tw/formosa/

	§網綠翠園站§ 　 POLANPA 專屬部落格

「國語日報」放風聲取消母語教學

發表：POLANPA	2009-05-31 09:06:47	閱覽數：5075	(IP:　)	T 2810_R 0	引　用

自由電子報自由廣場2009-5-31

母語教學的極樂世界

◎ 李勤岸

教育部屬下的「國家教育研究院籌備處」最近佇「國語日報」放風聲，想欲共一節的母語教學取消。In講「世界各國鮮少將母語列為國教課程」，「鄉土語言應回歸到彈性課程，讓各校因地制宜選修，不需要必修。」In主張全面檢討九年一貫國教課程，進行「中小學課程發展基礎模式」研究，預計二到三年內小規模修訂，五至八年內大幅度改革。In講以前母語列為國小必修是「受政治力和意識形態影響」。主要是欲設計（In講是國家教育研究？）共母語教育除掉，轉去以前「國語」獨尊的單語政策。講這才是無受政治力佮意識形態影響？現此時國中的母語課就是選修矣，敢有人咧選？其實講較白咧，選修不過是「賜死」的代名詞。

「世界各國鮮少將母語列為國教課程」？這個「世界」是啥物世界？是毋是「西方極樂世界」？若是地球這粒星球的世界，阮毋捌看過正常的國家無用家己的母語實施國民教育的：日本敢無用母語實施國民教育？美國敢無使用母語實施國民教育？歐洲聯盟二十七國有佗一國無使用母語實施國民教育？就使用江西話，普通話通常是到大學階段才使用來做共通語教學。敢講著共連中國嘛攏使用母語來實施國民教育，In佇廣東的國校就使用廣東話，佇江西的國校母語「賜死」按呢才無意識形態？才無政治力介入？這款「國家教育研究院籌備處」若毋是攏無咧研究，無著是目睭佯青瞑，予政治力牽咧戇戇旋。

這個聲音透露出來的信息就是反對予台灣人的母語有活路，就是欲倒退lu轉去威權的國民黨時代，欲違反全世界保護母語的潮流，欲自外佇這個世界，欲共台灣帶去另外彼個「極樂世界」！（作者為國立台灣師範大學台文所所長、世界台灣母語聯盟總召集人，http://203.64.42.21/siathoan/BGLB/）

回應：POLANPA	2009-05-31 09:24:27	(IP:　)	T 2810_R 1	引　用

語言是文化最大的成分，文化是國家形成最大的力量。

「國語日報」為馬英九「島主」放風聲，不在話下 !!

回應：sofia	2009-05-31 16:24:55	(IP:　)	T 2810_R 2	引　用

to 國立台灣師範大學台文所所長◎ 李勤岸先生
閣下此篇文章出現滋濟錯別字
本人修改一下
仰望閣下不當受氣
只是仰望以閣下兮地位與名望
使用正確兮文字
兮使影響更加濟兮人認識台灣兮文字

教育部屬下兮「國家教育研究院籌備處」最近之「國語日報」放風聲，
想欲教一節的母語教學取消。
伊講「世界各國鮮少將母語列為國教課程」，
「鄉土語言應回歸到彈性課程，讓各校因地制宜選修，不需要必修。」
伊主張全面檢討九年一貫國教課程，
進行「中小學課程發展基礎模式」研究，
預計二到三年內小規模修訂，五至八年內大幅度改革。
伊講以前母語列為國小必修是「受政治力和意識形態影響」。
主要是要設計（伊講是國家教育研究？）
教母語教育除掉，轉去以前「國語」獨尊的單語政策。
講此玆是不受政治力偕意識形態影響？
現此時國中兮母語課就是選修矣，
曷有人兮選？
其實講可白兮，選修不過是「賜死」兮代名詞。

「世界各國鮮少將母語列為國教課程」？
玆兮「世界」是孰爾世界？
是不是「西方極樂世界」？
若是地球玆粒星球兮世界，
阮不別看過正常兮國家不用家己兮母語實施國民教育兮：
日本曷不用母語實施國民教育？
美國曷不使用母語實施國民教育？
歐洲聯盟二十七國它一國不使用母語實施國民教育？
就使用江西話，普通話通常是到大學階段玆使用來做共通語教學。
曷講得共連中國也攏使用母語來實施國民教育，
伊之廣東兮國校就使用廣東話
之江西兮國校母語「賜死」焉爾玆無意識形態？
玆無政治力介入？
玆款「國家教育研究院籌備處」若不是攏不研究，不就是目珠假青冥，
予政治力牽兮愿愿旋。

玆兮聲音透露出來兮信息就是反對予台灣人兮母語有活路，
就是要倒退轤轉去威權兮國民黨時代，
要違反全世界保護母語兮潮流，要自外之玆兮世界，
要教台灣導去另外彼兮「極樂世界」！
（作者為國立台灣師範大學台文所所長、世界台灣母語聯盟總召集人，http://203.64.42.21/siathoan/BGLB/）